الخصوصية

تفاصيلك عنّا.

صفحة قصيرة وواضحة عن نموذج التسجيل بالموقع. آخر تحديث: 18.11.2026.

مين بيجمع المعلومات

مهدي كبها، صاحب «نقلة». للتواصل: mkabaha@mkabaha.com أو واتساب 050-900-0674.

شو منجمع

اللي بتكتبه بنموذج التسجيل: الاسم، الموبايل، الإيميل والكورسات اللي بتهمّك. وإذا بدّك: شو بتشتغل، البلد، قدّيش بتستعمل الذكاء الاصطناعي، أي حاسوب عندك، وجاهي أو زوم، شو بدّك تعمل بعد الكورس، ومن وين سمعت عنّا.

ومنحفظ كمان من وين وصلت للموقع (اسم الموقع أو رابط الإعلان)، إذا موجود. ما منستعمل كوكيز للإعلانات.

ليش

عشان نحكي معك عن الكورس اللي سجّلت إله: المواعيد، السعر والتفاصيل. وعشان نخطط الكورسات: قدّيش مجموعة، وين، وجاهي ولا زوم.

أخبار عن كورسات وورشات تانية منبعتها بس إذا أشّرت على المربّع بالنموذج، وبتقدر توقفها بأي وقت.

هل لازم تعطينا هالمعلومات؟

لا، ما في قانون بيلزمك. بس بدون الاسم والموبايل والإيميل ما منقدر نتواصل معك.

وين محفوظة ومين بيشوفها

بخدمة التخزين تبعت Vercel، بمركز بيانات بفرانكفورت (ألمانيا). بس مهدي بيقدر يشوفها، بلوحة محمية بكلمة سر.

ما منبيعها، ما منعطيها لحدا، وما منستعملها لإعلانات حدا تاني.

لقدّيش

لحد ما تطلب نمحيها، أو سنتين بعد آخر تواصل معك، شو ما أجا أول.

حقوقك

بتقدر تطلب تشوف المعلومات اللي عنّا، تصحّحها، تمحيها، أو توقف الأخبار. ابعت لـ mkabaha@mkabaha.com أو واتساب 050-900-0674، ومنرد خلال أسبوع.

رجوع للتسجيل