كورس NaqlaEditAI · 3 لقاءات · 10 أشخاص بس
صوّر.احكِ.انشر. NaqlaEditAI: كورس مونتاج الفيديو من نقلة
NaqlaEditAI: كورس مونتاج الفيديو من نقلة
بتصوّر بالموبايل، بتحكي للذكاء الاصطناعي شو بدّك، وبيرجعلك فيديو جاهز بالثيم تبعك: قصّ، ترجمة، مؤثرات، صوت وموسيقى. بدون برنامج مونتاج، وبدون أي خبرة.
اضغط وشوف:
- 1صوّربالموبايل. لقطة وحدة بتكفي.
- 2احكِ«اعمللي مونتاج كامل، وغيّر الخلفية»
- 3انشرجاهز بمقاس الريلز، بالثيم تبعك.
شو بتتعلم
كل اللي شفته بالفيديو، بتتعلم تعمله.
ولا تايملاين ولا قوائم. بتطلب بالعربي، بلهجتك، والذكاء الاصطناعي بينفّذ. هاي الطلبات من الفيديو نفسه، ومعها كل اللي بيحتاجه أي فيديو.
صوّرت فيديو… اعمللي مونتاج كامل
مونتاج كامل بطلب واحد
بيقصّ الوقفات والأخطاء، بيختار أقوى بداية، وبيصدّر بمقاس الريلز.
اللقاء 1حط ترجمة بكلامي زي ما حكيته
ترجمة بكلماتك، وبأي لغة
كلمة كلمة وباللهجة، بعيد عن الوجه. وبنفس الطلب: إنجليزي، عبري وأكتر.
اللقاء 1حط موسيقى هادية تحت الكلام
موسيقى ومؤثرات صوتية
الموسيقى تحت صوتك مش فوقه، ومؤثر على كل حركة: الطقّة بتصير لحظة.
اللقاء 1بدّي أخفي الكاسة
إخفاء أي إشي من الكادر
الكاسة بتختفي، والطاولة اللي تحتها بتنرسم من جديد.
اللقاء 2غيّر الخلفية
خلفية جديدة بلا شاشة خضرا
بيقصّك من الصورة لآخر شعرة، وبيحط وراك أي خلفية.
اللقاء 2اعمل من الطاولة شاشة
أي سطح بصير شاشة
خريطة، صورة أو فيديو، مرسومة على الطاولة بالزاوية الصح.
اللقاء 2حط نار بإيدي
مؤثرات على إيدك
بيلحق إيدك وهي تتحرك، والنار بتطفي لما تسكّرها.
اللقاء 2طلّع الدوشة
صوت نظيف
بيشيل صوت المروحة والشارع والصدى، وبيضل صوتك.
اللقاء 2اعمللي نسخة تانية مني
نسخة تانية منك
إنت مرتين بنفس الكادر، وما حدا بيعرف كيف.
اللقاء 2اكتب «نقلة» ورا راسي
كتابة وراك
النص بيوقف وراك وإنت قدّامه، زي إعلانات التلفزيون.
اللقاء 3حط كرت للرقم بألواني
كروت وأرقام متحركة
عناوين، أرقام وأسهم بتتحرك، بخطّك وألوانك بكل فيديو.
اللقاء 3ولّد لقطة قهوة بتنكب
لقطات ما صوّرتها
لقطة بالذكاء الاصطناعي لما بتخدم الفكرة، ومكتوب عليها إنها مولّدة.
اللقاء 3
3 لقاءات
من الموبايل لفيديو بالثيم تبعك.
كل لقاء: شرح قصير، وبعدين شغل على فيديوهاتك إنت. والتقني معك من أول تثبيت لآخر تصدير.
اللقاء 1
من الموبايل لريل جاهز
بنثبّت مع بعض Claude Code وعُدّة نقلة على جهازك. بتتعلم كيف تصوّر بالموبايل بلا مجهود: الكادر، الضو، الصوت، وكيف تحكي حتى يطلع القصّ سهل. وبعدين أول طلب: مونتاج كامل، ترجمة بكلماتك وموسيقى تحت الكلام.
- مونتاج كامل بطلب واحد
- ترجمة بكلماتك، وبأي لغة
- موسيقى ومؤثرات صوتية
بتطلع معأول ريل جاهز للنشر، من فيديو صوّرته إنت
اللقاء 2
المؤثرات بطلب
إخفاء أشياء من الكادر، خلفية جديدة، شاشة على الطاولة، نار في الإيد، نسخة تانية منك وصوت بلا دوشة. وبتتعلم كيف تصوّر اللقطة حتى ينجح المؤثر: وين توقف، وإمتى تطقّ بإصبعك.
- إخفاء أي إشي من الكادر
- خلفية جديدة بلا شاشة خضرا
- أي سطح بصير شاشة
- مؤثرات على إيدك
- صوت نظيف
- نسخة تانية منك
بتطلع معريل فيه 3 مؤثرات من اختيارك
اللقاء 3
الثيم تبعك
بنبني هويتك مرة وحدة: ألوان، خط، كروت، أرقام متحركة وشكل الترجمة. بنضيف لقطات بالذكاء الاصطناعي وين ما بتخدم، وبنصدّر لإنستغرام وتيك توك ويوتيوب. وكل هاد بينحفظ بوصفة: الفيديو الجاي بيبلش بجملة وحدة.
- كتابة وراك
- كروت وأرقام متحركة
- لقطات ما صوّرتها
بتطلع معالثيم تبعك محفوظ، فيديو نهائي، ووصفة لكل فيديو جاي
شو بتاخد
اللي بتتعلمه هون، مش موجود بأي محل.
بلاجينز وسكيلز حصرية
إضافات ومهارات لكلاود كود بنيتها لفيديوهاتي، وبتنزل على جهازك. للمشاركين بالكورس بس.
تقني مرافق طول الكورس
من أول تثبيت لآخر فيديو: أي عطل أو سؤال، في حدا تقني معك بيحلّه. ما حدا بيعلق.
تصوير ومونتاج بصفر مجهود
بتصوّر بالموبايل وبتحكي شو بدّك. لا برامج مونتاج، ولا تايملاين، ولا ساعات قدّام الشاشة.
طريقة مش موجودة بأي محل
هاد مش كورس ببرنامج مونتاج. هاي طريقة شغل بنيتها بنفسي، وبعمل فيها كل فيديوهاتي.
10 أشخاص بس بكل مجموعة
حتى ياخد كل واحد وقته، ويطلع كل واحد بفيديو.
على فيديوهاتك إنت
ولا تمرين جاهز: بكل لقاء بتشتغل على فيديو صوّرته إنت، وبتطلع منه بفيديو بتنشره.
الكورسات الجاية
نقلة مش بس فيديو.
نقلة بتعلّم الذكاء الاصطناعي لكل شغل. كورس الفيديو هو الأول، وهدول جايين. اختار اللي بيهمّك بالتسجيل، والكورس اللي بيجمع أكتر طلبات بيفتح قبل.
من شغلي الحقيقي
دقيقة من الموبايل. ريل جاهز بعد 23 دقيقة.
يوم الانتخابات بعتّ لكلاود فيديو سيلفي مدّته دقيقة، وطلبت نسخة جاهزة بأسرع وقت. هاي أول 25 ثانية، قبل وبعد.
شو عمل Claude بيناتهم
- 19:23وصل الملف: سيلفي، 59 ثانية، 4K
- قلب الصورة: الكاميرا الأمامية بتصوّر معكوس
- فرّغ الكلام: 110 كلمات
- صحّح 6 كلمات سمعها غلط، مثل
إكراب← قراب - قصّ 3 وقفات وسرّع الكلام 4%
- قرّب الكادر، وبعّد الكتابة عن الوجه
- كروت متحركة للأرقام: 62–63%، +10%، ساعة، توقّع 73–74%
- مؤثرات صوتية خفيفة تحت الكلام
- 19:46جاهز للنشر: 0:57، بمقاس إنستغرام
ولقطة ما صوّرها حدا.
هاي القهوة ما انصوّرت: ولّدتها بجملة وحدة في Veo لإعلان فعالية. باللقاء التالت بنتعلم إمتى لقطة زي هاي بتخدم الفكرة، وإمتى بتخدع المشاهد.

المدرّب
بعلّم اللي بستعمله كل يوم.
أنا مهدي كبها، محامي ومهندس ذكاء اصطناعي. درست الحقوق وهندسة نظم المعلومات بجامعة حيفا، وبنيت أكتر من 170 أداة ذكاء اصطناعي لشركات وجمعيات ولمشاريعي.
كل فيديوهاتي، من ريلز سياسية ومجتمعية لإعلانات فعاليات وأفلام أعياد ميلاد، بعملها بهاي الطريقة، بدون ما أفتح برنامج مونتاج. بالكورس بعلّمك نفس الطريقة، ونفس العُدّة.
- أكتر من 170 أداة ذكاء اصطناعي
- LL.B + B.Sc · جامعة حيفا
- محامي منذ 2023
- شريك مؤسس في مجتمع هارموني
شو بتحتاج
- حاسوب Windows أو Mac (كل ما كان أقوى، المؤثرات بتطلع أسرع)
- اشتراك Claude مدفوع (Pro أو أعلى)
- موبايل بتصوّر فيه
الباقي بنثبّته مع بعض باللقاء الأول، والتقني معك.
أسئلة
قبل ما تسأل.
لازم يكون عندي خبرة بالمونتاج أو بالبرمجة؟
لا. الكورس مبني لناس عمرها ما فتحت برنامج مونتاج. بتطلب بالعربي، وبنتعلم مع بعض كيف تراجع النتيجة وتصلّحها.
شو يعني «تقني مرافق»؟
في حدا تقني معك طول الكورس: بيثبّت معك الأدوات، بيحلّ أي عطل، وبيجاوب على أسئلتك. حتى ما حدا يعلق بالتثبيت أو بغلطة.
شو هي البلاجينز والسكيلز الحصرية؟
إضافات بنيتها لكلاود كود، كل وحدة بتعلّمه شغلة: ترجمة، إخفاء، خلفيات، موسيقى وغيرها. هاي نفس العُدّة اللي بعمل فيها فيديوهاتي، وبتاخدها بالكورس بس.
بيكفي فيديو من الموبايل؟
آه. كل الأمثلة بالموقع مصوّرة بالموبايل، وباللقاء الأول بتتعلم كيف تصوّر حتى يطلع المونتاج سهل.
في تكاليف غير الكورس؟
اشتراك Claude المدفوع بس. باقي الأدوات مجانية وبتشتغل على جهازك. توليد لقطات بالذكاء الاصطناعي اختياري.
أي حاسوب بحتاج؟
Windows أو Mac. المؤثرات التقيلة (الخلفية، الإخفاء، النسخة التانية) أسرع على حاسوب قوي، وبتشتغل أبطأ على حاسوب عادي.
لمين الكورس؟
لصنّاع المحتوى، أصحاب المصالح، المسوّقين، الجمعيات، وكل حدا بدّه فيديوهات حلوة بدون ما يتعلم مونتاج.
إمتى بيبلش وقدّيش بيكلّف؟
المواعيد والمكان والسعر بنعلن عنهم قريب. سجّل اهتمامك وبتوصلك التفاصيل قبل الكل.
سجّل اهتمامك
10 أشخاص بس بكل مجموعة.
سجّل اهتمامك وبتوصلك المواعيد والسعر قبل الإعلان العام. التسجيل مجاني وما بيلزمك بإشي.